DAGUR ÖLDRUNAR 12. MARS 2026

Securitas fréttir

Í síðustu viku, þann 12. mars,  tók Securitas þátt í Degi öldrunar sem haldinn var á Hótel Hilton í Reykjavík. Ráðstefnan er mikilvægur vettvangur fyrir fagfólk og fyrirtæki sem starfa á sviði öldrunarþjónustu og heilbrigðistækni, þar sem lögð er áhersla á miðlun þekkingar, nýjungar og faglegt samtal.

Á ráðstefnunni kynntum við öryggishnappana okkar ásamt því viðbragði sem fer af stað þegar boð berast frá þeim. Um er að ræða þjónustu þar sem sérþjálfað starfsfólk bregst hratt og faglega við útköllum, með það að markmiði að auka öryggi og tryggja skjót viðbrögð þegar þörf krefur.

Það sem stóð þó sérstaklega upp úr að okkar mati voru samtölin við fagfólk sem sótti ráðstefnuna. Við áttum gagnleg og áhugaverð samtöl við hjúkrunarfræðinga, iðjuþjálfa og sjúkraþjálfara sem deildu með okkur reynslu sinni og sýn á daglegt starf. Slík samtöl eru afar mikilvæg fyrir áframhaldandi þróun lausna, þar sem þau veita skýra mynd af raunverulegum þörfum notenda og þeirra sem starfa í þjónustunni.

Þátttaka í viðburðum sem þessum er okkur mikilvæg, bæði til að kynna okkar lausnir og ekki síður til að hlusta, læra og þróast í takt við þarfir samfélagsins.

Við þökkum fyrir vel heppnaðan viðburð og hlökkum til áframhaldandi samstarfs og samtals við fagfólk á þessu sviði.

Sjálfbærniuppgjör Securitas 2024

Almennar fréttirSecuritas fréttir

Securitas birtir sjálfbærniuppgjör í þriðja sinn sem nær yfir öll rekstrarsvið og starfsstöðvar félagsins. Auk Securitas, þá eru dótturfélögin Vari fasteignafélag ehf. og Geymslur ehf. tekin með í losunarbókhaldið. Árið er gert upp m.t.t. losunar í samræmi við UFS leiðbeiningar Nasdaq, GHG Protocol ásamt GRI, til að halda samanburðarhæfni í upplýsingagjöf milli ára. Uppgjörið hefur að geyma allar helstu upplýsingar um umhverfismál, félagslega þætti og stjórnarhætti félagsins. 

Á árinu 2024 var tekið stórt skref til að greina stöðu félagsins og hefur Securitas greint hvaða sjálfbærniþættir eru mikilvægastir með framkvæmd tvöfaldri mikilvægisgreiningu. 

Sjálfbærniuppgjör Securitas 2024

Umhverfisstefnu félagsins má nálgast hér

Mánaðargjöld öryggishnappa Securitas lækka

Securitas fréttir

Frá og með 1. apríl 2025 mun Securitas lækka mánaðargjald öryggishnappa sem eru samþykktir af Sjúkratryggingum Íslands úr kr. 985  í kr. 515   

 Þjónusta Securitas til viðskiptavina helst óbreytt, þar sem öryggi viðskiptavina okkar er í forgangi.   

  • Boð sem berast frá öryggishnöppum eru forgangsútköll hjá Securitas.  
  • Á útkallssvæði Securitas eru sendir einn til tveir öryggisverðir á staðinn með lykil að húsnæðinu.   
  • Öryggisverðir Securitas hafa mörg hlotið sömu grunnþjálfun og aðilar í sjúkraflutningum. Öryggisverðir okkar geta aðstoðað fólk í erfiðum aðstæðum, veitt fyrstu bráðaþjónustu og metið hvort kalla þurfi eftir frekari aðstoð.   

   

Okkar vakt lýkur aldrei   

Fyrirmyndarfyrirtæki í vinnustaðanámi

Almennar fréttirSecuritas fréttir
Nemastofa atvinnulífsins hefur veitt Securitas viðurkenningu sem Fyrirmyndarfyrirtæki fyrir framúrskarandi árangur í þjálfun og kennslu iðnnema. Þessi árlegu verðlaun eru veitt fyrirtækjum sem skarað hafa fram úr í vinnustaðanámi.
 
Securitas hefur lagt sérstaka áherslu á að skapa góða aðstöðu fyrir rafvirkjanema til undirbúnings til sveinsprófs. Nemar njóta öflugs stuðnings tæknisviðs og leiðsagnar frá Jóhanni Kolbeins, meistara hússins, og Andra Mogensen.
 
Við erum afar stolt af þessari viðurkenningu frá Nemastofu og munum halda áfram að leggja okkur fram við að veita iðnnemum framúrskarandi þjálfun og stuðning.
 
Verðlaunin afhenti Forseti Íslands við hátíðlega athöfn laugardaginn 8. febrúar síðastliðinn.

 

Sjálfbærniuppgjör Securitas 2023

Almennar fréttirSecuritas fréttir

Securitas birtir sjálfbærniuppgjör í annað sinn sem nær yfir öll rekstrarsvið og starfsstöðvar félagsins. Auk Securitas, þá eru dótturfélögin Vari fasteignafélag ehf. og Geymslur ehf. tekin með í losunarbókhaldið. Árið er gert upp m.t.t. losunar í samræmi við UFS leiðbeiningar Nasdaq, GHG Protocol ásamt GRI, til að halda samanburðarhæfni í upplýsingagjöf milli ára. Uppgjörið hefur að geyma allar helstu upplýsingar um umhverfismál, félagslega þætti og stjórnarhætti félagsins. 

Á árinu 2023 var tekið stórt skref til að greina stöðu félagsins og hefur Securitas hafið þá vinnu að greina hvaða sjálfbærniþættir eru mikilvægastir með framkvæmd tvöfaldrar mikilvægisgreiningar. Árið 2024 mun einkennast af undirbúningi fyrir skýrslugjöf  í samræmi við Corporate Sustainability Reporting Directive (CSRD). 

Sjálfbærniuppgjör Securitas 2023

Umhverfisstefnu félagsins má nálgast hér

Fyrsta sjálfbærniuppgjör Securitas

Almennar fréttirSecuritas fréttir

Securitas birtir í fyrsta sinn sjálfbærniuppgjör fyrir samstæðuna sem nær yfir öll rekstrarsvið og starfsstöðvar félagsins. Auk Securitas, þá eru dótturfélögin Vari fasteignafélag ehf. og Geymslur ehf. tekin með í losunarbókhaldið. Árið 2022 er gert upp m.t.t. losunar og í samræmi við UFS leiðbeiningar Nasdaq, GHG Protocol ásamt Global Reporting Initiative. Sjálfbærniuppgjörið hefur að geyma helstu upplýsingar um umhverfisþætti, félagslega þætti og stjórnarhætti félagsins.

Securitas notast við umhverfisstjórnunarkerfi Klappa grænna lausna hf., sem var innleitt árið 2021, til að safna gögnum um kolefnisspor félagsins úr innri kerfum þess og frá birgjum. Kerfið aðstoðar félagið að safna rauntímagögnum úr virðiskeðjunni og miðlar upplýsingum, sem tengjast sjálfbærni. Markmið Securitas er að ná mælanlegum árangri í sjálfbærnimálum, til þess að öðlast skilning á stöðu félagsins, sem hjálpar við stefnumótun og upplýsta ákvörðunartöku.

Kolefnisbókhald Securitas nær til losunar gróðurhúsalofttegunda fyrir umfang 1 og 2, auk losunar frá þremur flokkum í umfangi 3 og var heildarlosun samstæðunnar 766 tCO2í. Stærsti losunarvaldur Securitas er eldsneytisnotkun farartækja þar sem félagið rekur stóran bifreiðaflota, eða í kringum 150 bifreiðar, og er stöðugt unnið að umbótum til að draga úr þeim umhverfisáhrifum sem rekstur flotans getur haft í för með sér. Markmið er að fjárfesta í enn fleiri rafmagnsbílum, þar sem því er viðkomið, til að draga frekar úr losun.

Sjálfbærniuppgjör Securitas 2022

Umhverfisstefnu félagsins má nálgast hér

Vegna verkfallsboðunnar öryggisvarða í Eflingu stéttarfélagi

Almennar fréttirSecuritas fréttir

Mánudaginn 20.febrúar kl. 18:00 lauk kosningu öryggisvarða í Eflingu stéttarfélagi um verkfallsboðun. Verkfallsboðun var samþykkt sem  hefst að óbreyttu kl. 12.00 á hádegi þriðjudaginn 28.febrúar nk. Um ótímabundnar vinnustöðvanir eru að ræða.

 

Í sérkjarasamningi Securitas og Eflingar stéttarfélags er ákvæði þar sem segir að það sé sameiginleg afstaða samningsaðila að öryggisfyrirtæki hafi mikla sérstöðu meðal atvinnugreina, og sé viðkvæm fyrir vinnudeilum. Því eru í samningnum undanþáguákvæði sem hafa það að markmiði að tryggja öryggi almennings, heimila, fyrirtækja og stofnanna.

 

Securitas mun sækja um undanþágu frá verkfalli í samræmi við ofangreind ákvæði.

Um leið og svar fæst varðandi undanþágubeiðnina mun Securitas upplýsa um næstu skref.

Mikilvægar upplýsingar varðandi PSTN og POTS tengingar

Almennar fréttirSecuritas fréttir
 
Kæru viðskiptavinir, 
 
Þau öryggiskerfi frá Securitas sem notast við PSTN og POTS gerð af símalínu eru fjarskiptafélögin á Íslandi að leggja niður á þessu ári. Það þýðir að eftir þessa breytingu munu öryggiskerfi sem notast við þessar tengingar ekki vera tengt stjórnstöð Securitas. 
 
Við viljum minna á að samkvæmt samningi er það á ábyrgð viðskiptavina að tryggja að fjarskiptasamband sé til staðar. Okkur er umhugað um öryggi viðskiptavina og hvetjum þá sem notast við PSTN og POTS tengingar til að bregðast við og tryggja að boð frá öryggiskerfi skili sér til stjórnstöðvar Securitas. 
 
Með öryggi að leiðarljósi biðjum við þig um að heyra í okkur sem fyrst í síma 580-7000 eða senda okkur tölvupóst á netfangið securitas@securitas.is til að tryggja áframhaldandi farsælt samband.  
 
Með bestu kveðju, 
Securitas 

Securitas hefur hafið samstarf með Landsbjörgu

Almennar fréttirFyrirtækiSecuritas fréttir

Slysavarnafélagið Landsbjörg og Securitas hófu nýlega samstarf um sölu á sjúkra- og eldvarnarbúnaði og ætla þannig að ná enn betur sameiginlegu markmið sínu um að auka öryggi almennings, enda gengur starfsemi beggja félaga að miklu leiti út á slysavarnir.

Slysavarnafélagið landsbjörg hefur til margra ára þjónustað atvinnulífið og almenning með sölu á vönduðum sjúkrakössum og séð um reglulega endurnýjun á innihaldi þeirra með það að leiðarljósi að tryggja að réttur búnaður sé til taks þegar slys ber að höndum.

Securitas hefur yfir 40 ára reynslu af því að gæta öryggis almennings, hvort sem er með fyrirbyggjandi hætti eða fumlausum viðbrögðum allan sólahringinn. Þar með mikla þekkingu á brunavörum fyrir heimili, fyrirtæki og stofnanir.

Styðja í leiðinni við starf björgunarsveita

Samstarfið gengur út að Securitas hefur tekið til sölu sjúkrakassa í vefverslun sinni og sjúkrakassaþjónusta Slysavarnafélagsins Landsbjargar þjónustar viðskiptavini sína með slökkvitæki, eldvarnarteppi og reykjskynjara frá Securitas. Allur ágóði af sölu sjúkra- og öryggisvara rennur óskertur til starsemi Slysavarnafélagsins Landsbjargar og nýtist því meðal annars í starfsemi fjölmargra björgunarsveita víða um land.

Það er ljóst fyrirbyggjandi aðgerðir, fræðsla og réttur öryggisbúnaður getur skipt sköpum í neyð og koma má í veg fyrir slys á fólki. Með samhentu átaki er stefnt að enn meiri árangri í þeim málum.

 

,,Við hjá Securitas erum ánægð með samstarfið við Landsbjörgu og vitum hversu mikilvægt starf þar er unnið. Markmið og vilji beggja félaga að bæta öryggi almennings og samstarf þetta mun enn frekar stuðla að því.“ -Erna Sigfúsdóttir, verkefnastjóri

Heimsmet í réttstöðulyftu með aðstoð Securitas

Almennar fréttirFyrirtækiSecuritas fréttir

Einar Hansberg Árnason setti á dögunum heimsmet í réttstöðulyftu, hann lyfti samtals 528.090kg á einum sólarhring. 

Metið verður sett í heimsmetabók Guinnes en til þess að hægt væri að fá metið gilt fékk Einar aðstoð frá Securitas til þess að taka upp og vakta hann allan sólarhringinn.

Okkar menn Kjartan og Pétur settu upp upptökubúnaðinn og voru til taks allan sólarhringinn ef þeirra hefði verið óskað.

Frábært verkefni þar sem allir hjálpuðust að við að láta hlutina ganga upp.

 

„Það komu margir að þessu verkefni. Þar á meðal Securits, sem blésu heldur betur vind í seglin.“ – Einar Hansberg Árnason

 

Til hamingju Einar!

 

Hægt er að lesa um málið á vef Rúv hér

Störf hjá Securitas

Atvinna

Takk fyrir áhuga þinn á að starfa hjá Securitas. 

Við hvetjum þig til að senda inn umsókn en hafðu í huga að almennum umsóknum er ekki svarað sérstaklega. Við munum þó geyma umsóknina þína í 6 mánuði og losni starf sem við teljum að henti þér höfum við samband og boðum þig í atvinnuviðtal.

Umsækjendur um starf hjá Securitas þurfa að hafa náð 20 ára aldri, hafa hreint sakavottorð.

Einnig er hægt að sækja um einstök störf sem auglýst eru og þú hefur sérstakan áhuga á, en sækja þarf um þau sérstaklega hér á heimasíðu Securitas 

Með því að sækja um starf hjá Securitas hf. og senda okkur gögn tengd umsókninni göngum við út frá því að þú hafir jafnframt kynnt þér „Persónuverndarstefnu starfsumsækjanda“ sem nálgast má á heimasíðu Securitas.  

SÆKJA UM

Snertilaus aðgangshlið í Smárabíó

Almennar fréttirFyrirtækiSecuritas fréttir

Snillingarnir í Smárabíó hafa sett upp frábæra lausn sem gerir þeim kleift að opna eftir að hafa haft lokað vegna samkomutakmarkana sem í gildi hafa verið.

Snertilausu aðgangshliðin frá Securitas hafa verið sett upp við inngang kvikmyndahússins og munu gestir geta skannað aðgangsmiðann sinn og gengið inn. Með þessu tryggja þau öruggt umhverfi fyrir sína gesti og starfsfólk.

“Sjálfvirku hliðin eru frábær lausn sem gerir okkur kleift að bjóða upp á öruggt og þægilegt umhverfi fyrir bíógesti og starfsmenn á þessum krefjandi tímum. Uppsetningin á hliðunum gekk vel og þjónusta Securitas til fyrirmyndar“ – Lilja Ósk Diðriksdóttir Markaðstjóri 

Hér má sjá frétt sem mbl skrifaði um málið 

Hér má nálgast nánari upplýsingar um aðgangsstýringar frá Securitas.

Aðgansstýringar