Þráðlausar brunavarnir

Hyfire Þráðlaust brunakefi - SecuritasBrunavarnir SecuritasSecuritas býður þráðlausa reykskynjara, handboða, sírenur og ljós ásamt inn- og útgangseiningum sem uppfylla EN54:7 staðalinn. Hægt er að tengja þennan þráðlausa búnað við hefðbundin rásarskipt brunakerfi og við Notifier analog vistfangskerfi þar sem hver þráðlaus skynjari hefur sitt eigið heimilisfang. Hægt er að blanda saman víruðum og þráðlausum reykskynjurum sem mynda heilstætt brunakerfi.

 

Hyfire þráðlausi búnaðurinn uppfyllir staðalinn EN54:25, BS 5839 og vinnur á 868 MHz. Samskiptin eru tvístefnuvirk (bi-directional) sem veitir hæsta stig á öryggi og áreiðanleika. Dulkóðaða merkið vinnur á 7 sjálfstæðum rásum og ásamt fjölstefnuvirku (multidirectional) loftneti þá eru gæði samskipta mjög mikil. Kerfið byggir á því að við brunakerfið er tengdur svokallaður Þýðandi (Translator). Fyrir Notifier vistfangskerfi þá tekur þýðandinn straum beint frá skynjararás. Hver þýðandi getur tekið 32 þráðlausar einingar, reykskynjara, handboða og allt að 16 sírenur og útgangseiningar, samanlagt 32 einingar. Allur þráðlausi búnaðurinn hefur hámarksfjarlægð 150 metra frá þýðanda og er þá miðað við opið svæði. Við kerfið er hægt að tengja allt að 5 stækkanir (Expander) sem gefa aukna fjarlægð á þráðlausu samskiptunum.

Á milli hverra stækkana getur fjarlægð verið allt að 250 metrum miðað við opið svæði þannig að hámarksfjarlægð frá Þýðanda (Translator) að þráðlausum reykskynjara getur verið allt að 1400 metrar miðað við opið rými. Sérstaklega þarf að spennufæða stækkanir (Expanders).

Í Hyfire þráðlausu reykskynjurunum eru tvær rafhlöður, 3 volta lithium aðalrafhlaða (CR123A) sem dugir í 3– 5 ár. Síðan er aukarafhlaða (CR2032A) sem dugir í 2 mánuði eftir að aðalrafhlaðan klárast. Kerfið fylgist með ástandi á rafhlöðum og gefur til kynna þegar skipta þarf um rafhlöður.

Hægt er að tengja fleiri en einn Þýðanda (Translator) á hverja slaufu brunakerfis. Forritun á Hyfire Þýðanda (Translator) er framkvæmd annaðhvort beint á Þýðandann sjálfan eða með tölvu tengdri beint á Þýðandann með sérstöku forriti sem fylgir með. Áður en uppsetning á sér stað þá þarf tæknimaður að staðsetja allar einingar kerfisins til að tryggja áreiðanleika kerfisins.

Hyfire þráðlausi búnaðurinn hentar sérstaklega vel þar sem erfitt getur verið að setja víraða reykskynjara og sem tímabundinn lausn. Sérstaklega má nefna kirkjur og aðrar friðaðar byggingar.