Hjá okkur ertu í öruggum höndum!

Að verja heimilið fyrir vá snýst ekki aðeins um efnislega hluti. Það snýst um það sem mestu máli skiptir, að þú og þín fjölskylda finnið til aukins öryggis á eigin heimili. Í ljósi þess mikilvægis að huga vel að öryggismálum heimilis þíns, hafðu samband við öryggisráðgjafa Securitas í síma 580 7000 og við aðstoðum þig við að finna þær lausnir sem best henta þér og þínum.

Fyrst langar okkur að benda á lausn sem gæti hentað þínu heimili. Heimavörn Securitas vaktar heimilið allan sólarhringinn, allan ársins hring. Heimavörnin er beintengd stjórnstöð Securitas þar sem velþjálfað starfsfólk grípur strax til viðbragða.

STJÓRNSTÖÐ SECURITAS
Starfsfólk stjórnstöðvar er á vakt allan sólarhringinn, allan ársins hring og hefur hlotið víðtæka þjálfun m.a. vegna þjónustu, tæknibúnaðar, skyndihjálpar, viðbragða við eldi og í fyrirbyggjandi vörnum og eftirliti. Þjálfun sína hefur starfsfólk m.a. fengið hjá slökkviliði, björgunarsveitum, lögreglu og Neyðarlínunni 112.

INNBROTAVIÐVÖRUN
Hreyfiskynjarar og skynjarar eru á hurðum og gluggum og senda boð um óæskilegan umgang til stjórnstöðvar og sírena á staðnum gerir strax viðvart.

BRUNAVÖRN
Reykskynjarar eru alltaf virkir og tengdir stjórnstöð Securitas.

ENGINN STOFNKOSTNAÐUR Á STAÐALBÚNAÐI
Þú greiðir engan stofnkostnað af staðalbúnaði þegar þú færð þér Heimavörn Securitas. Við komum með kerfið á staðinn og setjum það upp, hratt og örugglega. Þú greiðir einungis mánaðarlegt þjónustugjald sem felur í sér fjarvöktun kerfisins, viðhald þess og útköll öryggisvarða, hvenær sólarhringsins sem er, alla daga ársins.

Staðalbúnaður Heimavarnar

• 2 x hreyfiskynjarar
• 1 x reykskynjari
• 1 x hurðarnemi
• Stjórnborð
• Sírena
• Stjórnstöð
• Uppsetning

Hægt er að bæta við eftirfarandi aukabúnaði til viðbótar í Heimavörnina: vatnsskynjara, gasskynjara og fjarstýringu.

Það er gott að geta dvalið heima hjá sér sem lengst ef aðstæður breytast vegna veikinda, slyss eða sökum aldurs. Enda kjósa það flestir ef kostur er. Þá er afar mikilvægt að finna til öryggis ef eitthvað kemur upp á og dregur ekki síður úr áhyggjum hjá aðstandendum að vita af sínum nánustu í öruggum höndum öllum stundum. Þar kemur öryggishnappur Securitas til sögunnar.

FULLKOMIÐ ÖRYGGI Í ÁSKRIFT

Greitt er vægt mánaðargjald fyrir öryggishnappinn, búnaðinn og þá þjónustu sem honum fylgir. Ef læknir metur þörf fyrir öryggishnappinn er hægt að sækja um styrk hjá Tryggingastofnun ríkisins til kaupa á þjónustunni og viðskiptavinur greiðir síðan einungis lágt mánaðargjald.

ÞÚ ÝTIR Á HNAPPINN OG FÆRÐ BEINT SAMBAND

Öryggishnappur Securitas er einfalt og fyrirferðalítið öryggistæki sem borið er um úlnliðinn eða hálsinn þannig að auðvelt er að ýta á hnappinn ef óhapp, veikindi eða slys ber að. Þá berast samstundis boð til stjórnstöðvar Securitas og beint talsamband opnast við sérþjálfað og þjónustulundað starfsfólk.

SVONA VIRKAR ÖRYGGISHNAPPURINN:

Ýttu á hnappinn sem þú getur bæði haft um háls eða á hendi. Boð berast til stjórnstöðvar Securitas og um leið birtast nauðsynlegar upplýsingar um þig og þínar aðstæður.

Talsamband kemst á milli þín og stjórnstöðvar. Öryggisvörður með lykil að húsnæði þínu kemur á staðinn ef þörf er á.

Sjúkrabíll og/eða læknir er sendur á vettvang ef þörf krefur og haft er samband við aðstandendur.

Hægt er að bera hnappinn um hálsinn eða á úlnlið.

UMSÓKNARFERLI  TIL SJÚKRATRYGGINGA ÍSLANDS
A Heimilislæknir viðkomandi eða sérfræðingur fyllir út umsóknareyðublað um öryggishnapp.

B Læknirinn sér um að senda umsóknina til hjálpartækjamiðstöðvar Sjúkratrygginga Íslands. Svar berst til umsækjanda með lýsingu á niðurstöðu umsóknarinnar.

C Umsækjandi óskar eftir því við Sjúkratryggingar að fá öryggishnapp frá Securitas. Sjúkratryggingar senda beiðni til Securitas um uppsetningu á hnappi.

D Tæknimaður Securitas setur hnappinn upp, sér um fullnaðarfrágang tækis, kennslu, útskýringu útkallsferils sem og skráningu allra nauðsynlegra upplýsinga um hnappþegann og fær afhenta lykla.

E Að lokinni uppsetningu er hnappþegi með 24 tíma öryggisþjónustu frá Securitas.

Hafðu samband við öryggisráðgjafa Securitas í síma 580 7000 og kynntu þér öryggishnappinn. Þannig getur þú tryggt þér og þínum betra öryggi öllum stundum.