Hjá okkur ertu í öruggum höndum!

Gagnaver Verne að Ásbrú hefur valið Securitas til þess að annast öll sín öryggismál. Þar á meðal er mönnuð öryggisgæsla, allan sólarhringinn, alla daga ársins. Framkvæmd öryggisgæslunnar er í höndum Securitas Reykjanesi og var meðfylgjandi mynd tekin þegar samningurinn þess efnis var undirritaður.

Á myndinni eru frá vinstri: Helgi Helgason, rekstrarstjóri gagnaversins, Kjartan Már Kjartansson, framkvæmdastjóri Securitas Reykjanesi og Jim Hathaway, öryggis- og þjónustustjóri gagnaversins.      

Árni Guðmundsson framkvæmdastjóri Gæslusviðs var í viðtali sjónvarp MBL sjónvarp í gær. Þar kom fram að glæpir verða sífellt skipulagðari og kalla því á betri úrræði. Árni sagði einnig að innbrot í verslanir væru gjarnan sniðin að viðbragðstíma lögreglu og öryggisfyrirtækja og því nauðsynlegt að grípa til úrræða þar sem hægt er á aðgerðum glæpamanna. Það má gera með betri vörnum inn í verslanir en oft þarf einungis að brjóta rúðu til að komast að verðmætum en einnig er hægt að setja upp reykvélar sem birgir sýn inni í verslunum og fyrirtækjum. Öryggisverðir á landinu eru um 400 og að næturlagi eru á milli 10 og 20 bílar frá Securitas á ferðinni. Árni sagði starfsmenn fyrirtækisins margoft hafa haldið glæpamönnum þar til lögregla kæmi á vettvang. Hættulegri glæpamenn kalla hinsvegar á umræðu um útbúnað þeirra en lagabreytingar þarf til að breyta einhverju í þeim efnum, sem myndi að mati Árna auka fagmennsku og öryggi í starfinu.

Linkur á fréttina er hér: Smelltu

Á ráðstefnu SFSÍ sem haldinn var á Hótel Selfossi, 21. október síðast liðinn, kynnti Securitas drukknnarvörn fyrir ráðstefnugestum.  Í framhaldi af því hefur Securitas farið og kynnt lausnina betur fyrir þeim sem hafa óskað eftir því.   Auk þess stóð ráðstefnugestum til boða að fá fría armkúta merkta Securitas sem margir þáðu með þökkum. 

„Á undanförnum árum hafa rafrænar aðgangsstýringar tekið miklum framförum og kerfin orðið fullkomnari, betri og fjölhæfari,“ upplýsir Hrafn Leó Guðjónsson vörustjóri Securitas sem á síðustu áratugum hefur selt flestum stærri fyrirtækjum landsins rafræn aðgangsstýrikerfi. Hrafn Leó segir starfsfólk fyrirtækja flest orðið kunnugt því að opna dyr með aðgangskortum, en ný kerfi auki enn á öryggi. Með nýjum aðgangsstýrikerfum samtengir Securitas þau við hússtjórnar- og myndavélakerfi bygginga, en með því fæst heildstætt umsjónarkerfi gagnvart innbrotum, myndavélum og aðgangi. „Með tilkomu smartkorta eykst öryggi til mikilla muna, enda ógjörningur að klóna þau og eru smartkortin að mati Hrafns Leó helsta byltingin í rafrænum aðgangsstýrikerfum.. Önnur mikilvæg þróun í rafrænum aðgangsstýringum Securitas er þráðlaus aðgangsstýring, en í hana þarf engar lagnir. „Í staðinn eru settir upp þráðlausir rafhlöðudrifnir lásar á hurðir. Það tryggir sama öryggi en mun fljótari uppsetningu og lægri uppsetningarkostnað,“        

Í áratugi hefur Securitas verið leiðandi í rafrænum aðgangsstýringum fyrirtækja. Með aukinni þróun hafa kerfin orðið betri og fjölhæfari, og mikið er um spennandi nýjungar sem auka enn á öryggi, þægindi og hagkvæmni.       

Byggt á frétt í sérblaði fréttablaðsins „Lyklar og lásar“ frá 11. október 2011 sl.

Kæri viðskiptavinur.

Við bjóðum þér að koma og fylgjast með Íslandsmeistaramótinu í golfi á Hólmsvelli í Leiru hjá Golfklúbbi Suðurnesja helgina 23.-24. júlí. Í gestatjaldi Securitas verður boðið upp á léttar veitingar frá kl. 12 til 18:30.

Vinsamlegast nálgist boðsmiða hjá Securitas Skeifunni 8 á á skrifstofutíma.

Hlökkum til að sjá þig!

Securitas hefur flutt höfuðstöðvar sínar í Skeifuna 8 eftir að hafa verið staðsett í Síðumúla 23 frá því 1984 en auk  þess var fyrirtækið staðsett á fjórum öðrum stöðum í Síðumúlanum.  Fyrirtækið er nú sameinað  í rúmgott vel staðsett  húsnæði  í Skeifunni  8 tilbúið að taka vel á móti þér.