Hjá okkur ertu í öruggum höndum!

Securitas er nú að birta reynslusögur viðskiptavina sinna á netinu. Í gegnum árin höfum við fengið sendar margar skemmtilegar sögur og nú finnst okkur tími til kominn að birta þær og óska formlega eftir fleiri sögum. Okkar starfsemi snertir svo ótrúlega margar hliðar daglegs amsturs og við erum ekki bara að kalla eftir hrósi heldur frekar að fá sögur af því hvernig við getum létt viðskiptavinum okkar lífið. 

Við verðlaunum alla okkar viðskiptavini sem senda sögu sem birtist á heimasíðu okkar með góðri leikhússtund fyrir tvo.
Nánar hægt að sjá hér: http://www.securitas.is/reynslusogur/

Kv.  Hjörtur

Sum tryggingafélög bjóða sérstakan afslátt af tryggingum til viðskiptavina Securitas. Ástæðan er einfaldlega sú að forvarnir virka. Auk reykskynjara, slökkvitækja og öryggiskerfa Securitas má nefna vatnsskynjara og gasskynjara sem dregið geta úr og jafnvel komið í veg fyrir tjón af völdum bilana og óhappa. Þjónustan gengur undir nafninu Heimavörn og er sérsniðin að óskum viðskiptavina.

Sams konar lausn, en þó með önnur atriði í huga, heitir Sumarhúsavörn og nýtur æ meiri vinsælda enda sumarhús orðin sem annað heimili margra sem þar vilja njóta áhyggjuleysis og öryggis.

Töluvert er um að einstaklingar setji upp öryggismyndavélar og myndeftirlitskerfi við sumarhús sín en slíkt ætti þó alltaf að vera viðbót við grunnöryggiskerfi sem tengt er við stjórnstöð. Myndeftirlit gefur þó ýmsa þægilega möguleika og eykur öryggi. Sumarhúsahverfi eru svo æ oftar að sameinast um að setja upp öryggishlið inn á svæðið sem stýrir aðgangi og umferð um það. Mikil framþróun hefur orðið á slíkum hliðum og auðvelt að bæta við notendum og opna fyrir gestum sem eiga erindi inn á svæðið.

Frímann Viðarsson, viðskiptastjóri Securitas

Einföldustu og ódýrustu leiðirnar til aukins öryggis eru alltaf að huga vel að öllum læsingum, gluggum og frágangi þegar farið er frá bústaðnum. Öryggiskerfi Securitas er viðbót sem gefur sumarhúsaeigendum ákveðna vissu um að eign þeirra sé vöktuð og í eftirliti. Öryggiskerfið hefur fælingarmátt, hjálpar okkur að bera kennsl á óboðna gesti sem og að koma í veg fyrir meira tjón af vatnsleka eða eldi. Við mælumst líka til þess að fólk hafi allan grunnbúnað í bústaðnum. Slökkvitæki, eldvarnarteppi, sjúkrakassi og jafnvel gasskynjari ættu að vera í öllum sumarbústöðum og kosta sáralítið en geta bjargað miklu. Slík öryggistæki er öll hægt að fá hjá Securitas.

Búi Bendtsen, sölustjóri Securitas

Sumarbústaðurinn er annað heimili margra Íslendinga sem njóta frídaga sinna í faðmi fjölskyldu og vina í bústaðnum. Eðli máls samkvæmt er þó sumarbústaðurinn mannlaus megin þorra ársins. Þeir eru því auðveld bráð óheiðarlegra einstaklinga og ekki er hægt að bregðast við óhöppum eins og vatnsleka eða eldsvoða nema vera á staðnum. Margvíslegan öryggisbúnað er að finna á markaðnum sem hjálpar fólki að draga úr tjóni og fæla frá innbrotsþjófa.

Hjörtur Fr. Vigfússon, markaðsstjóri Securitas

Hjálpsemi er eitt af einkunnarorðum og gildum Securitas og felur í sér alla þá mögulegu aðstoð og þjónustu sem hægt er að veita viðskiptavinum okkar. Við temjum okkur hjálpsemi með því að vera vakandi fyrir þörfum annarra. Hjálpsemi krefst þess af okkur að við sýnum þolinmæði og frumkvæði í gegnum samstarf og aðstoð við vinnufélaga og samstarfsaðila.

Hjálpsemi er eitt af því fyrsta sem kemur upp í huga viðskiptavina okkar þegar þeir eru spurðir út í þjónustu okkar. Ég er stoltur af því að vinna með svona góðum hóp.

Kristinn Óskarsson, framkvæmdastjóri starfsmannasviðs Securitas

Heiðarleiki er eitt af grunngildum Securitas og kannski það mikilvægasta. Heiðarleiki gagnvart viðskiptamönnum og samstarfsaðilum er undirstaða góðrar þjónustu, árangursríkra samskipta og stuðlar að jákvæðu andrúmslofti á vinnustaðnum. Við sýnum heiðarleika með því að halda okkur við staðreyndir, standa við gefin loforð, uppfylla kröfur og viðurkenna mistök.

Við hlúum að heiðarlegum samskiptum innan fyrirtækisins með því að deila upplýsingum og taka tillit til vinnuálagsins, hvert hjá öðru. Heiðarleiki er númer eitt og er ekki umsemjanlegur.

Pálmar Örn, framkvæmdastjóri sölu- og markaðssviðs Securitas

Einkunnarorð Securitas eru þau gildi sem við stöndum fyrir. Þau eru grunnurinn að starfseminni, móta daglegt starf okkar og hvernig við sjáum okkur sjálf, nú og í framtíðinni. Þau styðja okkur í að veita viðskiptavinum, starfsfólki og eigendum þau gæði og þjónustu sem óskað er eftir.
Securitas hefur í daglegu starfi þrjú megingildi að leiðarljósi: heiðarleika, árvekni og hjálpsemi.

Guðmundur Arason, Forstjóri Securitas

Myndavélaeftirlitskerfi hafa tekið stórstígum framförum þegar kemur að gæðum. Securitas kynnti á dögunum nýjar eftirlitslausnir fyrir Reykjavíkurborg sem snarbætt gætu vöktun á fjölförnum stöðum. Um er að ræða vél sem tekur upp mynd í 100 megapixla upplausn — ein slík vél gæti t.d. dugað til að vakta allt Austurstræti og komið í staðinn fyrir 8–9 hefðbundnar eftirlitsmyndavélar.

Fyrir okkur sem störfum í þessum geira var lengi vel fyndið að horfa á þætti eins og CSI, þar sem rannsóknarmenn komust yfir upptökur og gátu lesið í minnstu smáatriði. Með þeim myndeftirlitskerfum sem nú koma á markaðinn er slík nákvæmni í raun orðin að veruleika.

Hrafn Leó, vöruþróunarstjóri

Það er ekki mikil fyrirhöfn að umgangast öryggiskerfi heimilisins. Það tekur enga stund að slökkva og kveikja á kerfinu og fjölskyldan er fljót að læra að nota kerfið nánast umhugsunarlaust. Hver og einn á heimilinu getur haft sinn fjögurra stafa einstaka kóða svo hægt sé að sjá hver kveikir á kerfinu og slekkur á því. Að slá kóðann inn við útidyrahurðina verður fljótt eins sjálfsagt og að stinga lyklinum í skrána, og tekur ekki nema tvær sekúndur.

Að koma að heimilinu vörðu er góð tilfinning. Þegar dyrnar eru opnaðar og kerfið í gangi þá veit maður að enginn er í húsinu og að þess hefur verið vel gætt á meðan fjölskyldan var að heiman.

Guðmundur Ingi Guðmundsson, öryggisráðgjafi Secruitas