Hjá okkur ertu í öruggum höndum!

Árlega stendur VR fyrir könnun á viðhorf starfsmanna til lykilþátta í starfsumhverfi vinnustaða. Niðurstöðurnar sýna ekki einungis hver staða fyrirtækisins er í augum starfsmanna heldur einnig hver staða þess er í samanburði við önnur fyrirtæki á vinnumarkaði. Sannað er að innra starfsumhverfi fyrirtækja hefur mikil áhrif á afkomu þeirra og rekstrarskilyrði. 

Það var því gleðilegt þegar að tilkynnt var í gær að Securitas var fyrirmyndafyrirtæki VR þriðja árið í röð. Ekki bara það heldur varð Securitas í öðru sæti í könnuninni sem er frábær árangur. Könnunin rennir þannig stoðum undir trausta þjónustu fyrirtækisins.

Til hamingju Securitas, Hjörtur Fr. Vigfússon, starfsmaður

Það er ýmislegt sem kemur í hugann þegar talað er um fyrsta apríl en kannski ekki sparnaður, greiðsla á réttum tíma, fríðindapunktar og tímasparnaður. 

Í veröldinni sem við lifum í erum við sífellt að spara tímann sem við eyðum í vitleysu og ákváðum við hjá Securitas að leggja okkar afl á vogarskálarnar og spara okkar viðskiptavinum þann tíma sem tekur að greiða reikninginn sinn með því að setja hann á kreditkort. Það er mikið unnið með því t.d. er það umhverfisvænna þar sem ekki er kastað til pappír í prentun reiknings, ekkert seðilgjald sem fellur til þar sem greiðsluseðill er ekki sendur út og síðast en ekki síst að greiðslan safnar fríðindapunktum.
Punkturinn yfir i – ið í þessu er leikur sem er í gangi fram að 1. apríl næstkomandi sem gengur út á að setja mánaðargreiðslur sínar yfir á greiðslukort og eiga þá möguleika á að vinna ferð fyrir tvo til Dublin með Úrvali Útsýn.

Til hvaða ráðstafana getur þú gripið svo að þú stofnir ekki öryggi heimilisins í hættu með því að taka þátt í samskiptum í samfélagsmiðlum?

1. Takmarkaðu aðgang að síðunni þinni. Engin vefsíða í samfélagsmiðli, bloggfærsla eða tölvupóstur eru fullkomlega örugg en þú getur tryggt öryggi þitt betur með því að velja stillingar sem loka fyrir aðgang annarra að síðunni þinni eða takmarka hverjir geta séð það sem þú setur á vefinn.

2. Afskráðu þig á sama stað og þú skráðir þig inn. Ef þú notar staðarmiðuð forrit eins og Foursquare eða Facebook Places ættirðu að skrá þig inn á heimili þitt, þegar þú ert að fara af dvalarstað fjarri heimili þínu, í stað þess að skrá þig inn „heima“ þegar þú ert komin/n heim. Konur, sem þekkja vel til í heimi samfélagsmiðla, segjast gera þetta til þess að koma í veg fyrir að einhver ókunnur veiti þeim eftirför.

3. Losaðu þig við allar staðarákvarðanir. Tól, sem notuð eru við úrvinnslu á ljósmyndum, og vefsíður fyrir ljósmyndir gefa notanda kost á að setja upplýsingar um staðinn, þar sem ljósmynd var tekin, inn á ljósmyndina. Gerðu þennan valmöguleika óvirkan þegar þú tekur myndir heima hjá þér sem þú ætlar að setja á netið. Þú ættir einnig að afvirkja þessa stillingu þegar þú setur myndir inn á vefsíður eins og Twitter eða Google.

4. Gerðu ekki neitt. Það er freistandi að láta vini sína á netinu vita að þú ert í frábæru þriggja vikna sólarlandafríi með allri fjölskyldunni. Ef þú ert ekki viss um að heimili þitt sé varið gegn innbrotsþjófum, skaltu hugsa þig tvisvar um áður en þú sendir þessi skilaboð. Afbrotamenn eiga auðvelt með að finna heimilisfangið þitt út frá takmörkuðum upplýsingum. Veltu fyrir þér hvort væri ekki skynsamlegra að bíða með að senda skilaboðin þangað til þú ert komin/n heim.

Hugsum okkur um þegar við deilum upplýsingum um okkur og okkar nánustu á samfélagsmiðlum. Skoðum stillingarnar og tryggjum að engir óviðkomandi sjái upplýsingarnar þínar.

NJÓTTU ÞESS AÐ VERA AÐ HEIMAN – www.securitas.is

Í framhaldi af þeim váatburði sem átti sér stað í morgun, að maður réðst á lögfræðing inni á lögfræðistofu þar sem hann starfaði höfum við, hér hjá Securitas, tekið saman lista yfir nokkrar forvarnir sem við mundum mæla með. Ekki er víst, að þessar ráðstafanir hefðu getað komið í veg fyrir þann atburð sem varð í dag, enda aðstæður mjög ólíkar og brotavilji manna misjafn.

Með þessari umfjöllun viljum við bregðast við ástandi sem snertir okkur öll, sem búum á Íslandi. Tíðni alvarlegra afbrota virðist vera að aukast og svo virðist sem vopn komi æ oftar við sögu í sakamálum síðustu misserum.

Við viljum einnig koma góðri kveðju á framfæri við þá sem urðu fyrir barðinu á árásinni í morgun og vonum innilega að þeir nái fullum bata sem fyrst.

Skipta má forvörnum gegn utanaðkomandi misindismönnum í tvo flokka, annars vegar lausnir sem hægt er að grípa til strax, (s.k. Quick-Fix aðgerðir) og síðan aðgerðir sem eru framtíðar ráðstafanir og krefjast undirbúnings og framkvæmda við húsnæðið.

Fyrst má nefna aðgerð sem hægt er að grípa til með mjög litlum fyrirvara, en það er staðbundinn öryggisvörður í anddyri staðarins. Með því að hafa öryggisvörð í einkennisfatnaði sem tekur á móti viðskiptavinum staðarins er sterklega gefið til kynna, að öryggismál staðarins eru tekin föstum tökum. Þetta hefur bæði fyrirbyggjandi gildi til að koma í veg fyrir váatburði auk þess sem það skapar starfsmönnum meiri öryggistilfinningu. Allir okkar öryggisverðir eru útbúnir með Tetra fjarskiptabúnaði sem gerir þeim kleyft að vera í fjarskiptasambandi við stjórnstöð okkar sem opin er 24/7.

Á stöðum hætta er talin mikil á ógn eða árás, útbúum við öryggisverði okkar á viðeigandi hátt til að tryggja öryggi þeirra sem best. Allt tekur þetta mið af þörfum og óskum viðskiptavina okkar.

Önnur ráðstöfun sem koma má upp með litlum fyrirvara og á mjög skömmum tíma er árásarhnappur / hnappar. Hægt er að setja upp með einföldum hætti árásarhnapp í móttöku staðarins ásamt því að hægt er að útbúa valda starfsmenn til að bera þráðlausa hnappa. Sé ýtt á hnappinn koma um það boð á stjórnstöð okkar og brugðist er við málinu á viðeigandi hátt í framhaldinu.

Þær ráðstafanir sem virka hvað best í þessu sambandi eru tengdar húsnæðinu sjálfu og hönnun þess. Þessar ráðstafanir útheimta e.t.v. breytingar á húsnæði eða aukinn tækjakost og í nútíma þjóðfélagi er nauðsynlegt að skerpa vel þær línur sem eru á milli utanaðkomandi aðila (viðskiptavina og annarra) og síðan starfsmanna. Það er sjálfsagt mál, að viðskiptavinur geri grein fyrir sér og erindi sínu áður en hann kemst inn á skrifstofur staðarins. Í þessu felst engin lítilsvirðing við viðskiptavininn og oftar en ekki upplífir hann vissa festu í umgjörð fyrirtækisins ef móttaka hans er skipulögð og formföst.

Við mælum eindregið með því að í fyrirtækjum sé anddyri sérgreint þannig, að utanaðkomandi aðilar komist ekki innar í fyrirtækið nema hafa gert fulla grein fyrir sér. Þetta er gert með hurðum eða hliðum sem varna því að þeir sem ekki eiga erindi fái inngöngu. Aðgangsstýrikerfi hjálpa til við þetta og hjálpa til við að gera greinarmun á þeim sem eiga erindi innar í fyrirtækið og þeim sem eiga það ekki.

Hér er listi yfir aðgerðir og búnað, þó hann sé alls ekki tæmandi:
   • Staðbundinn öryggisvörður eða móttökuritari
   • Neyðarhnappar
   • Hurðir og aðrar lokanir eins og gönguhlið
   • Aðgangsstýrikerfi
   • Myndavélakerfi

Securitaskveðja -  Guðmundur Arason, forstjóri

Notar þú samfélagsmiðla til að bjóða þjófa velkomna heim til þín?
Það er allt of algengt að fólk noti samfélagsmiðla án þess að hugsa út í hver sé á gægjum. Ímyndum okkur að þú sért á sólarströnd eða í Ölpunum. Öll fjölskyldan er með þér. Þú lentir í gær og ert að gera þér grein fyrir því núna hvað næstu tvær vikur eiga eftir að vera skemmtilegur tími. „Rosalega langar mig að deila þessu með vinunum,” hugsarðu þegar þú kallar saman fjölskylduna í hádegismatinn. Þú tekur upp símann, heldur utan um krakkana, makinn í miðjunni, smellir af og deilir minningunni með öðrum á samfélagsmiðlum.
En hverjir sjá skilaboðin? Fjölskyldan? Vinirnir? Vinnufélagarnir? Margir gera sér ekki grein fyrir að núna eru sífellt fleiri að fylgjast með efni sem fólk setur á samfélagsmiðil. Skv. breskri rannsókn telja 78% fyrrverandi innbrotsþjófa það líklegt að þjófar noti samfélagsmiðla eins og Facebook, Twitter og Foursquare þegar þeir vakta eignir. Þetta merkir að í hvert skipti, sem einhver segir „vinum” sínum að hann og fjölskyldan verði að heiman næstu vikurnar, gætu óprúttnir aðilar verið að fylgjast með, reiðubúnir að brjótast inn.
Getur átt sér stað að við gætum ekki nægilegrar varkárni þegar við deilum upplýsingum um okkur á netinu? Í hvert skipti sem við segjum frá því hvar við erum stofnum við okkur (og heimili okkar) í hættu. Á vefsíðunni www.PleaseRobMe.com mátti t.d. sjá á einum stað allar „innskráningar” sem fólk hefur aðgang að á samfélagsmiðlum. Markmið þeirra, sem stóðu að síðunni, var að taka saman allar „innskráningar” sem allir höfðu aðgang að og birta þær á einn stað. Af hverju? Til að vekja athygli á hættunni sem er fyrir hendi. Það sem skiptir mestu máli í notkun okkar og fjölskyldumeðlima okkar á samfélagsmiðlum er að allir séu meðvitaðir með það hverjir sjá upplýsingarnar sem þú deilir. Setjumst niður með okkar nánustu og ræðum málin.
Hugsum okkur um þegar við deilum upplýsingum um okkur og okkar nánustu á samfélagsmiðlum. Skoðum stillingarnar og tryggjum að engir óviðkomandi sjái upplýsingarnar þínar.
NJÓTTU ÞESS AÐ VERA AÐ HEIMAN – www.securitas.is 

Kv. Hjörtur

Í dag ákvað Securitas að gera sig sýnilegt á Facebook í þeim tilgangi að koma með gagnleg og fræðandi skilaboð til viðskiptavina sinna sem og annarra sem hafa áhuga á öryggismálum heimila og fyrirtækja. Samhliða þessu hafa spunnist töluverðar umræður hjá okkur um öryggismál á samfélagsmiðlum og hvort notkun samfélagsmiðla geti haft áhrif á öryggi heimila. Við höfum því lagt í rannsóknarvinnu tengda þessu og langar til að deila því með ykkur, lesendur góðir.

Í tilefni umfjöllunar um öryggismál á athafnasvæði Eimskips:

Öryggismál á athafnasvæði Eimskips hafa á síðustu dögum verið til umfjöllunar í fjölmiðlum vegna tilrauna hælisleitenda á Íslandi til þess að lauma sér um borð í skip félagsins sem liggja við bryggju og eru á leið til Bandaríkjanna. Öryggisgæslan á svæðinu, sem er í höndum Securitas, og þær öryggisráðstafanir sem gerðar hafa verið á athafnasvæði félagsins í samvinnu þessara aðila, hafa ítrekað sannað sig á liðnum mánuðum og misserum. Öryggisverðir fyrirtækisins hafa margsinnis náð að stöðva tilraunir af þessu tagi og komið umræddum mönnum í hendur lögreglu. 

Öryggismál skipa æ stærri sess í daglegu starfi fjölmargra fyrirtækja á Íslandi. Váatburðir og öryggisbrestir af af ýmsu tagi eru farnir að verða daglegt umfjöllunarefni fjölmiðla. Þróunin í þessum efnum er ekki ákjósanleg. Umtalsverðir hagsmunir geta verið í húfi í því að hægja á þessari þróun, bæði fjárhagslegir hagsmunir og almennir öryggishagsmunir gagnvart starfsmönnum viðkomandi fyrirtækja. Brýnt er að fyrirtæki móti sér hvert um sig sína eigin öryggisstefnu á þeim hraða og á þeim forsendum sem þau vilja byggja á í þessu sambandi.

Við hjá Securitas erum stolt af því að geta veitt faglega þjónustu á þessu sviði og af því að vinna með fyrirtækjum eins og Eimskip sem leggur metnað í að byggja á faglegri framkvæmd í öryggismálum. Hér er um vel heppnað samstarf þjónustukaupa og þjónustusala að ræða, þar sem byggt er á umfangsmiklum og blönduðum öryggislausnum þar sem bæði öryggiskerfi og mönnuð gæsla er samtvinnuð í skilvirka öryggislausn.

Árni Guðmundsson, framkvæmdastjóri Gæslusviðs Securitas

Myndavélar eru ekki mitt sérsvið en starfs míns vegna hef ég gert nokkuð af því að kynna mér myndavélakerfi til notkunar við öryggiseftirlit. Maður spyr sig reyndar hvort myndeftirlitskerfi muni koma í stað öryggisvarða á einhverjum punkti. Munu hreyfiskynjarar, fjarmyndavöktun og upptökutæki leysa þá af hólmi? Þótt tæknin verði stöðugt fullkomnari þá er líklega betra að blanda saman tæknilegu og mennsku eftirliti. Eigum við ekki að segja að bland af þessu tvennu sé besta lausnin, öryggisins vegna?
Í morgun var ég viðstaddur kynningu frá Dallmeier fyrirtækinu sem kynnti fyrir okkur nýjungar á markaði fyrir eftirlitsmyndavélar. Ég verð að játa að ég var alveg gáttaður á því hversu flottar þær eru orðnar í útliti. Þú þarft ekki lengur að kaupa gráhvíta myndavél heldur geta þær litið út eins og grjót eða viður, þær fást í mismunandi málmum eða alskreyttar kristalsteinum frá Swarovski sem minna helst á demanta. Öryggismyndavélin þarf því ekki lengur að stinga í stúf við hönnunina eða glæsilegt innbú.
Í augum okkar sem vinnum við að gæta þess að verðmætum sé ekki stolið þá er það sérstaklega skemmtilegt að þjófavörnin geti verið dýrgripur í sjálfu sér.

Hér er linkur á bækling sem sýnir þetta svart á hvítu

Búi Bendtsen, sölustjóri

Þar sem er reykur þarf ekki endilega að vera eldur. Í dag las ég áhugaverða frétt í Morgunblaðinu, sem hægt er að skoða hér á mbl.is, um sjoppueigandann í Efra-Breiðholti sem flutti sjálfur inn reykvél og setti upp til að verjast innbrotsþjófum.
Við hjá Securitas höfum einmitt boðið viðskiptavinum okkar reykvélar af þessu tagi. Þrátt fyrir að nokkrir hafi fjárfest í slíkum búnaði þá hafa viðbrögðin ekki verið sem skyldi í verslunarþjónustu. Þessar reykvélar eru nefnilega alveg ótrúlega sniðug tæki þótt þau komi ekki í veg fyrir innbrot frekar en önnur öryggiskerfi og þær hafa ekki fælingarmátt nema fyrir þá sem vita af þeim.
Þótt innbrotaviðvörun fari í gang þá tekur það lögregluna tíma að bregðast við og grípa þjófana. Í millitíðinni kemur reykvélin í veg fyrir að innbrotsþjófarnir hrifsi með sér verðmætan varning. Það tekur nokkrar sekúndur að fylla verslun af reyk sem er svo þéttur að óboðnir gestir rata ekki út, hvað þá að þeir hafi ráðrúm til að láta greipar sópa um verðmæti verslunarinnar.
Ég skil ekki að verslanir sem selja smávarning sem auðvelt er að grípa, eins og tölvu- og skartgripaverslanir, séu ekki allar með reykvarnarkerfi sem hluta af öryggisviðbúnaði sínum.

Hafþór Theodórsson, öryggisráðgjafi

Betur sjá augu en auga. Myndavélaraugað er góður liðsauki við þjófavörn og öryggisvörslu, hvort sem málið snýr að heimavörn eða firmavörn. Segja má að myndavélin sé hinn eini sanni haukur í horni, með sitt haukfráa auga, t.d. við fjarmyndavöktun. En myndavélar eru misgóðar og öryggiskerfi eiga mikið undir gæðum og áreiðanleika eftirlitsmyndavéla.
Í þessari viku fáum við góða heimsókn frá Dallmeier, fyrirtæki sem er leiðandi í heiminum þegar kemur að myndavélakerfum. Meðal stærstu viðskiptavina þeirra eru spilavíti og bankar, þ.e. fyrirtæki sem gera kröfu um hágæðalausnir í myndeftirliti.
Það verður spennandi að sjá hvaða tækninýjungar snillingarnir hjá Dallmeier draga upp úr hatti sínum að þessu sinni. Miðað við vöruþróunarstarf þeirra hingað til þá ættum við að geta sýnt viðskiptavinum okkar nýjar og hugvitssamlegar lausnir til að bæta eftirlitskerfi og auka öryggi þeirra í hvívetna.

Hrafn Leó, vöruþróunarstjóri